点解粤语咁好听,你哋识讲都唔粤语啊?唔通粤语真系要没落?

广州城事通2019-01-14 10:34:11

点击“广州城事通”微信关注我哟

广州最接地气重服务的本地微信媒体平台!关注我地冇错葛啦!!

年过年嘅时候,小编以为当外地人走嗮剩返D本地人嘅时候可以听到纯正嘅粤语······但係小编去到市场买菜,卖菜阿姨居然用唔咸唔淡嘅“煲冬瓜”嚟讲嘢,小编问阿姨点解唔讲粤语?阿姨话:“平时讲习惯咗,一时转唔过嚟。”返到屋企,见到家姐两个细露喺度抢玩具都係讲普通话,“我不给你,就不给你。”“我要告诉妈妈,你欺负我······”!唔通粤语真係要没落?





咁粤语到底有几正?粤语嘅历史源远流长,可以追溯到秦汉时期,甚至更久远嘅年代,其实粤语嘅魅力好大,只係宜家好多人都无留意过。



1.粤语係联合国官方承认语言!

粤语被联合国教科文组织承认为语言。影响力大于赣语、闽南语等其它汉语(小编只係以事论事,并无抬高粤语贬低其它汉语嘅意思),粤语亦係唯一除普通话外喺外国大学有独立研究的中国汉语,佢拥有完善文字系统,可以完全使用汉字(粤语字)嚟表达。



2.粤语使用方式接地气!

讲粤语嘅人通常话自己靓仔都用“型”去表示!而且用粤语表达,就算相同嘅语句都可以表现出唔同嘅效果!例如:



如果用粤语嚟表达唔耐烦可以用“我唔听”去表示,仲可以根据唔同嘅人物、场景、语调表现出唔通嘅意思:

“我唔听~~~”(娇滴状)

“我唔听!(”威武状)

“我唔撚听!”(愤怒状)



喺粤语中有一D词係万能嘅,而其中男朋友对女朋友使用次数最多嘅就係——“求其”!呢个词真係一个十分万用又活用嘅词,特别係男性···因为每次当你问男朋友今晚吃咩,佢都会答:

“求其啦~”



过年期间小编听到最多嘅粤语係——仲细咩!因为每次问D姨妈姑姐摞利是嘅时候,佢哋都撘句“仲细咩!”嚟回应我,利是係冇嘅,呜呜~其实“仲细咩”喺表达对方行为幼稚嘅时候都可以用嘅:

“仲细咩~”



当然讲到粤语更多人捻到嘅喺粗口,不过其实真正领悟到粤语精髓嘅人爆粗时係唔需要用到XX等词语嘅,出其不备嘅闹人方式多种多样先算高手:

流行用语有食屎食挞食蕉等等...

“食蕉”算喺最文雅表达嘅一种!



喺讲粤语嘅人群里面,社交宝典三句唔离两句就喺——“得闲饮茶!”呢一句可以活用于:公车偶遇广场舞大妈,电话讲到翻白眼想快速收线,超市撞到十几年唔见嘅小学同学······但係其实大家都好清楚,呢餐茶一直都唔得闲饮嘅,除非係对方请咯~所以啊,阿边个边个我哋:

“得闲饮茶!”



3.粤语形容词够盏鬼!

好多粤语字面表达同意思喺完全唔同嘅,特别係一D粤语中先有嘅形容词!唔识粤语嘅人根本领悟唔到其中嘅意思,例如:




除咗以上嘅粤语形容词仲有好多好盏鬼嘅词汇,喺度小编就唔再讲咁多啦!




4.唐诗原来要用粤语读!

嗱!呢个真系认真嘅!大家有冇发觉,好多唐诗宋词要用粤语读先押韵!皆因唐朝时期通用语言喺粤语!而古今语言音变嘅历程里面,粤语发音同古代诗词发音亦比较贴近!唔信?好,小编就比D证据你睇下:




苏轼:「宁可食无肉,不可居无竹,无肉令人瘦,无竹令人俗,人瘦尚可肥,士俗不可医」
当中嘅【食】字和【肥】字正係广东话。
广东话日常例子如~食餸、食嘢、好好食、肥仔、肥佬、肥腾腾。
普通话唔系用「食」,系用「吃」,唔系用「肥」,系用「胖」。
李白:「人生得意需尽欢,莫使金樽空对月」
当中嘅【樽】字正係广东话。
广东话日常例子如~买一樽豉油返屋企、饮返樽啤酒先、呢个玻璃樽入面系乜野来咖?
普通话唔系用「樽」,系用「瓶」,一瓶、瓶子。
诗経:「行行重行行,与君生别离」
当中嘅【行】字正係广东话。
行行重行行的意思是;行下,停下,再行下,又再停下,非常之依依不舍……
广东话日常例子如~行路、行街睇戏、行出去、行花市、行左几远呀?
普通话系用「走」或「逛」,走路、逛街。
杜甫:「朱门酒肉臭,路有冻死骨」
当中嘅【冻死】正係广东话。
广东话日常例子如~好冻、冻冰冰。
普通话唔系用「冻」系用「冷」。
李白:「举头望明月,低头思故乡」
当中嘅【望】字正係广东话
广东话日常例子如~望住前面、唔好四围望、望乜野?普通话唔系用「望」系用「看」。
杜甫:「肯与邻翁相对饮,隔篱呼取尽馀杯」
当中嘅【隔篱】正係广东话。
广东话日常例子如~我就住喺你隔篱、隔篱邻舍、搬过隔篱屋。
普通话唔系用「隔篱」系用「隔壁」或「邻居」。
李煜的「问君能有几多愁?恰似一江春水向东流」
当中嘅【几多】正係广东话。
广东话日常例子如~几多钱?几多个?
普通话唔系用「几多」系用「多少」。

5.用粤语嗌交肯定赢!

虽然讲粗口唔係几好,之但係······人有负面情绪需要发泄嘅时候,粗口又真係几帮得手喔!有唔少粤语人发现用粤语讲句粗口其实都可以好萌好搞笑,而且如果你用粤语同人嘈,胜算都大好多。最常见嘅粤语粗口有:





温馨提示:粗口唔係人人都可以使用嘅,为咗社会文明请尽量文明用语!(所以其它粗口小编就唔喺度UP啦,自己脑补啦!)


其实小编讲咁多只係想话比大家知,粤语有自己独有嘅魅力,而我哋作为粤语传承者好应该学好粤语从而传承落去。一种文化代表一座城市,粤语文化亦係广州呢座城市嘅代表之一,海纳百川固然重要,护好自己土生土长嘅文化同样意义非凡


来源:广州吃货


Copyright © 石家庄证券经济业务联盟@2017